У мэтах папулярызацыі пажарна-выратавальнага спорту і прафесіі выратавальніка, якаснай падрыхтоўцы юных спартсменаў у Рэчыцкай дзіцяча-юнацкай спартыўнай школе №2 адкрылася вучэбна-трэніровачная вежа. Дадзены аб'ект быў пабудаваны сіламі працаўнікоў раённага падраздзялення МНС. Хлопцам і дзяўчатам, якiя займаюцца пажарна-выратавальным спортам, створаны якасныя ўмовы для трэніровак. Справа засталася за пераможнымі вынікамі.
І яны не прымусілі сябе доўга чакаць! На зімовым першынстве Гомельскай вобласці па пажарна-выратавальным спорце сярод юнакоў і дзяўчат каманда Рэчыцкага раёна заваявала другое агульнакаманднае месца, саступіўшы ўсяго 2 ачкі вельмі моцнай камандзе абласнога ўпраўлення МНС.
На ўрачыстым адкрыцці новага для Рэчыцы спартыўнага аб'екта начальнік раённага падраздзялення МНС Яўген Валер'евіч Капельчук пажадаў юным спартсменам далейшых перамог на розных спаборніцтвах. Урачыстая частка завяршылася паказальнымі выступленнямі каманды Рэчыцкага раёна па пажарна-выратавальным спорце.
